ذكرى استشهاد الامام علي (عليه السلام)

عهد وياك ليلة واحد وعشرين

اكشفها الك اسرار احزاني
...
ما اعرف اتيه انعاك يا مولاي

لو ليلتك هاللحظات تنعاني

وامشي وياك دربي بواحة الاحزان

من فجر الدماء اشتقت احزاني

واغوص ابحر بحبك حد خلاص الروح

وادعي الباري ينطيني عمر ثاني

احير منين ابدي وياك يامولاي

يا قصة خلود بسرد رباني

يا قمة تجلي لأحرف القرآن

اريد اقراهه مره وهيه تقراني

عطر سيرتك فاح يفسر التفسير

لذلك يعتذر مولاي ديواني

يعجز ما يوصفك يا ولي الله

عجز حتى القلم مولاي خلاني

محتاجين سيفك وين ذو الفقار

يداوي جروح بيتي ويحمي جيراني

عراقك يا علي محتاجك بهاليوم

طال الصبر بيه بشدته يعاني

ابن ملجم رجع بالخنجر المسموم

فجر نفسه بين صفوف اخواني

آذان الفجر باقي بعهد وياك

كل يوم اليمر واحد وره الثاني

كل عراقي خلفك يا امير اليوم

يجدد هالعهد وياك وايماني

سمعت صوت الوطن خاطبك يا مولاي

لحد هسه الصدى اسمعه بآذاني

قرابين الشهاده ابتدت من غدروك

مرورا بالحسين وتبدي احزاني

الوطن شال الشعب بجفوفه هذا اليوم

تقبل ربنا هالشعب قرباني

نعزي العالم الاسلامي والامام المنتظر عجل الله فرجه الشريف بذكرى استشهـــاد الامام علي المرتضى عليه السلام
الذي قتله ابن ملجم وهو ساجد سلام الله عليه

» سر باطن قول امير المؤمنين عليه السلام(انا وجه الله)
» نبذة عن حياة الامام جعفر الصادق (ع)
» قصيدة الامام العباس ع واخوة النبي يوسف ع
» حياة السيدة مريم العذراء عليها السلام
» حكيم العراقي...يحبني ويحب عليه