تـــــربيتي اعــلى ايـــــدكـ

تربيتي اعلى ايدك تعرفني كلش زين
ماانزل راس واكلك انا المجروح

ولا كلك رجع عشرتي اوياك
ولا بعد انطق يا بعد هالروح

ذاك الوكت لوغيري صار اوياك
وتشوف الفرق باين ومفضوح

ولا تظن ندمان ودموعي التطيح
مو الانه الاكت ادموع للذبحلي الروح

مايحتاج اعلملك ليش واشلون
لان انته من بعدي جسم مذبوح

ولا انه الا جيك واتوسلك عود
تعرف طبعي واضح عندك ومشروح

انته البديت تخون وتنسى الايام وانته
امحيت عطر الوفه الجان منك يفوح

روح ابتعد وانسى اعرفتني بيوم
وببعادي انت الصرت مو آنه مذبوح

هسه اتلمست كل الفارق اهنا
واعرفت آنه النجم وبيده الك ويلوح

سلمتك بيد الوكت شوف اشلون يندار
واعليك بسابع ارض تصفى مطروح

لان جزاة الخان بالعشره واحلى ايام
يتكفله الوكـت ولايــــــــــامه ناطوح