ترة خيط الصبر مي شل الجروح
وخيوط الامل للـجروحي تشفيهة
ترة جرة العمر والــوكت غدار
ترة مــرة يتمـــايل مـــرة يجفيهة
ترة الاخرس يكتبة وغيرة يحجيهة
لا تامـــن كحل بعيون الايتام
ترة وية الدمع للكحلة يكضيهة
واذا الدنيا قست لا تشكي للغير
مـــد يدك الربك دنيتة شكيهة
واذا عودك رجيج وكابلت ريح
لا تعاند الـــريح اعودك اثنيهة
مو كلمن وكع معناهة خسران
ولا كلمن جريحة الجرح ياذيهة
هذاك حسين طايج بالمجد كام
اكصد كربلة ما كلك شبيهة
واذا انتة فكر ومجدية تريد
اكسر مستحاتك عوزك انطيهة
خطارك اجة وبس عندك العوز
عوزك وية حزنك لفة سويهة
مــات الفرح بيك و حاير بهاي
كول احزاني ماتت كاعد ابجيهة
موضوع: صفنت الحزن 
الأربعاء مارس 02, 2011 1:50 pm
