محتاجك حلم مرسوم عل النجمات
وخيوط بذهب عل گمر مكتوبه
ومحتاجك خلگ وسع الارض يفلان
واشرحله الخواطر ليش متععوبه
ومحتاجك جرح يتوسط الدلال
ويحني بنزيفه اجفوف محبوبه
ومحتاجك جدم ماتتسعه الصدمات
ومن تثگل بلوته ايعاند دروبه
ومحتاجك عمر مايمر بيه موت
مو عمري الگضه وساعات محسوبه
ومحتاجك دمع يبجي عله روحي وياي
من يصفن دليلي ويذكر اذنوبه
ومحتاجك حضن روحي التفلف بيك
لوفزت غفل باليل مرعوبه
محتاجك صبر بس مو صبر ايوب
لان گبلك لبسته وماستر ثوبه
مهدوم الچتف وجدامي مشلولات
والغيرة انتهت والناس ملعوبه
واني بوسط سحرك جتفاني الضيم
واسنين العذابك جنه مطلوبه
ياهو اليفك حزني واني بلياك
دنيه من القهر وبيوت مگلوبه
يا اول عشگ محتار گلبي وياك
وايدي شما تغلبك ترد مغلوبه
علمني الهجر بلكي اصد ونساك
واحلف ما اجيك ومنك التوبه
اني لميت البخت من رد اشور بيك
شو ردتعليه الشارة والحوبه
وسودني العشگ من ردت اگلك روح
شور بالدليل ولعب بيه طوبه
تقبلو احر تحياتي
موضوع: محتاجك حلم 
الأربعاء مارس 02, 2011 1:49 pm
