بس انته شمس تتمشه نص الليل
و بس انته نهار يسير بالظلمه
اذا انته الهوه صرت انته يعني الروح
وانه لخاطرك بهداي اشتمه
تطشر گلبي بيك من الجدم للراس
بس انته التجمعه وتگدر تلمه
جبل حبك چبير شلون اضمه تريد
اذا حبك جبل هم تگدر تضمه
انه اللي احبن كلشي صاير بيك
وانه الانته كلك تجري وي دمه
واذا كلمة احبك ما نطقهه لسان
يامه عيوني يمك نطقن الكلمه
انه التيه اسمه وهام بيك هواي
يگول اسمك بساعة ينسأل اسمه
انه بغير حبك ما حچيت بيوم
وشعري بغير اسمك مانطق قلمه
صرت انه اشوفك بالسمه وبالماي
وصرت انه اليعيشك صحوته وحلمه