كــــوم عنـــــي ولا تسوف بالـــــوفاء الـــوفـــاء اليـــوم ميزانه انكسر
وانــــه شاعــــر حالي حال الشعراء ما انـــزل بيــت ماسـنــده ابــخبر
الوفــــــاء اتئسس ابـــطف كربــــلاء من غـرف عباس غرفه امن النهر
وحـتى مــــــــا موجوده عند الانــبياء ولـــو ردت منــي دلـيل ومـعـتـبر
اســئـــــل حسين وجميع الشهـداء ايصير اساوي اخوان يوسف بالكمر
ايصير اســـــــاوي الابد ماهد اللـواء والسهــــم بـعـيــونــه وايمينه انبتر
وطــــاح جــوده وحــار شيكل للنساء ومـــا تــرك لحسين الا امن انـطبـر
ايصير اساوي بالسلب يوسف قميص وسبــب جـان الـوالـده ابفكد البصر
هــذا خـــان ابيـــوسف ويوسف اخـا ذبــه وسط البـــير كــل ضنه انطمر
ربــك السيـــاره مــــــرت بالــعـــــراء وانـقـذو يــــوسف واخـــذوه المصر
ومن عطش لحسين شاهدنه الابـــاء راد يـشرب كبل اخــــوه ومـــاكــدر
يفرح العطشان من يـلـكالـــه مـــــاء والكــمـــر مـن جـفـــه الماي انشمر
ومن بقى عطشان صدك مــــاكفـــاه كــلــه لجـــلك خل يـــوذرونــي وذر
وانت هسه اتريد لخو يوسف رثـــــــاء وهـو في احسن قصـص شينه انذكر
شلون عباس واخو يوسف ســـــــواه اشجـــاب مـــــاي البــير يم ماي النهر
هــــذا وك بالـبـير مــــــاذب الحسن ولا مشــه وخـــلا ايــرافس بـــالقــــعر
هـــذا ماسلــم اخـــو الـــــــغـربـــاء ونـكـر ملــــتح وزاد ايــــــام الــســفــر
هذا ماباك القميص امن الحســــــين هـــو يـستـــر بيــه لــــوشافـــه ابخطر
وهذا اخو يوسف طلع راس البــــلاء ونـــته هسه اتــكــــول اخو يوسف كفر
يكفي جذب على يعقوب وعمـــــاه ويــبـجـي خلا مــدري جــم عــام وشهر
هـــــو من ابغـــيابات الجـب رمـــاه ضن بأن يــوسف مـــثل باقـــــي البشر
وهو لـــــو مثل البشر جا ما اجـــاه بـــالمـــنام امــر الالـــــــه وابـتــــــشر
كعد من نـومــه وصرخ يـــا ابتاه مــــو فــــرد كــــوكـب شفت احدا عشر
وماشفت بس الكواكب بالسماء شــفـــت سجـدنلـي الشـمــتس ويالقمر
هذا يوسف وخانه ولد الانــبيـــاء او ولـــد حيــــدر وفــو الكـطـــع الـنـحر
ابعلي القاده اقتدت في حمل اللواء وتـــركو التـقـلـيـد مـــن يــــوم انـــغـــدر
وبــقــو الحــد ما اجـتـهم كربلاء واخـــذو المـستـحدثــــات امـن الكـمــر
امن انولد عباس انكلــبـت بكـاء وقــبل اجفـــوفه حلك فـــــارس مـضـر
كبرن اجفوفه ونزل في كربــلاء ورجــــــع الكــرار بـالطـــــف مـــن كـبر
موضوع: قصيدة الامام العباس ع واخوة النبي يوسف ع 
الأربعاء مارس 02, 2011 1:43 pm
